هل إهلالك ياعـــــاشور

بسم الله الرحمن الرحيم
اللهم صل هلى محمد وال محمد
**
هلال عاشوراء
*
المستهل
*
هل إهلالك ياعـــــاشور ... ماننساك الگلـــــب يفور
همك يسري ... بدمي اليجري
آلام وحزان وجــــــــور ... وماننسه الظلع المكسور
ماننساك الگلب يفور

القصيده

***
ياشهر الزود آلامي وزينب بيك الشــــافت ضيم
چانت بالإخوه المنجمعه مسروره بالشوگ إتهيم
وتنظر للعباس وجاســـــــــــم والاكبر نوره يهيم
*
وأصحاب حسين وشيمتهم,,,ما ينظام اللي بصحبتهم
نار وتلهب ... وين اليگرب
يضحي بروحه ويزهر نور ... بروح الثائر مومجـــــبور

ماننساك الگلب يفور
*
ياشيعه آنه السلبوا خدري وظيم وألم راوني
ياشيعه ودم دمعي اليجري إم الحزن سموني
ياشيعه من عگب إخوتي بإسياطهم ضربوني
*
للمشرعه آنه تعنيت ... يم أبوفاضــــــل ونيت
يابويه ماعنده إچفوف .. خيم على گلبي الخوف
والنار شبت بالخيم يبن الحور... وأطفال والنسوان بانار دور

ما ننساك الگلب يفور
*
ياشيعه هامت روحي عالحـــــــومه ولشبل حسين
ياشيعه شفت الماصــــــــــار لشبه الرسول موذرين
ياشيعه جاسم مطروح العــــــــــــــريس يانور العين
*
حنته من دم نحـــــــره ... متوســـــــــد على الغبره
قربان من أجل الدين ...شبل الحــــسن شبل حسين
شمس وگمــــــــر نور بنور ... گلــبي نزف عـــــــــــالبدور

ما ننساك الگلب يفور
***
ياشيعه ياصبر الصبر أصـــــبر وصبر روحي
ياشيعه ياجرح الگدر صبري بچه عالجروحي
ياشيعه من نار الألم هامــــــــــت لحيدر روحي
*
وينك يشيال الهمــــم ... ظلينه بيويه بس حـــــرم
إنهض يحيدر هاليوم ... دارة على حسين الگوم
ظهره يحيدر مكســـور ... عالأخو گلــــــــــــبه مفطور

ما ننساك الگلب يفور
***
ياشيعه ظل بل معين وحده وذرف دمع العين
ياشيعه دارت هالگوم و سهم گدر صاب حسين
ياشيعه راح المظلوم لا وين أروحـــــن لا وين
*
دارت عليه الاشرار ... وينك يحماي الجار
هزوا نحره ... شبل الزهره
سيد الجنان المنحــــــــــــــور... تيشفگ عليه الحـــور
ما ننساك الگلب يفور
**

نسالكم الدعاء