موقع الحاج ابومهندالسلامي النجفي

الابوذية

استعرض الموضوع السابق استعرض الموضوع التالي اذهب الى الأسفل

س الابوذية

مُساهمة من طرف ابومهندالسلامي النجفي في الثلاثاء أبريل 07, 2015 4:52 am


وحك ذاك القبرعايش وحي ب
ولحوت البلع يونس وحي بيه
دم السال من هامك وحي بيه
دين الله ونبيه عللوطيه

حزن مطبور راسك هم علينـــا
يــل بعــد النبــي انت علينــــــــا
ريت اجروح البهامك علينـــــــــا
اوتظل سالم يسيد هلبريه

ابن ملجم طبر روحي وهامـي
بجروح اصبحت وزداد هامـــي
موش ادموع ادمع نزل ها مـي
وحس كَلبي اليدمع هل مسية

يا حيدر صبت ادموعي ينـا بيــــــع
اشيردني ازحوف لجنه ونا بيــــــع
ارد ازغير لو دلال وبابك انا ابيــــع
تربه ومسبحة ابهاي المسيه

بحق الزهراء ع
يابت
وحكـَ ام الحسـن وحسيـن يابت
فـــلا مثلج زلم بعد اثنيـن يابت
اريـد اكَـطـع خبـر دلالي يابـت
وعليـكم قفـــل هلأبـوذيه

احلفك من تصد اصدِ اليـــــــــــــــــه
انا البكَليبي صادو صيد اليــــــــــــــه
وصيرلك طبيب وصيده اليــــــــــــــــــه
اونكسر اضلوعه الكسر ضلع الزجيه

بحق الامام الحسين ع
حبك يابو السجاد بعيوني شلهة
او تصب عليك دمعه اتكول شلهة
تودك بس تناشد بيك شلهة
تريدك دوم تروي جفوف اديه

ودينه
وحك الوالي عالشيعه ودينـه
الك ياحسين هل مـأتم ودينــه
لو كَصو رجل منه ودينــــــــه
بشافي ازورك حسره بيه

عشكَتك ولعشك شاهد أمامي
انا البيك انشدة ونشد امامي
يظل اسمك على فكري وامامي
محلاتك فخر للهاشميه

الغيرك ما جرت دمعه ولامــــــــــاي
ومصابك وسط كَلبي ولامــــــــــاي
الشامت شمت بيه ولامـــــــــــــاي
اهمن بيك ياحمي الحميه

علينه الكَاع من الحزن يـــــــارت
اودموع العين عالمضلـوم يـــارت
يارت ياريت الغاضريه اليــوم يارت
تعيد ايامهة ونحمي الحمية

في حال السيدة زينب سلام الله عليها

يا عباس ابذبح عيني تراكـــم
كثر وني وحزن كَلبي تراكــــم
هـــلي تعودون يخواني تراكــم
وحيده ولا اخو ينشد عليه

صرت بعدك ياخوي ابدمعي اسيرة
تحن النوكــَ اليه وانه اسيــــــــــرة
على دربك اضلاً عمري اسيــــــرة
لمن تركد امتوني من الاذيه

يرها
تجر بيه المصايب وانه يرهــــــا
صرت حرمه وغريبه بعين يرهـا
ياعباس المصاب اشلون يرهــا
وشوف بعيني ذبحتكم سويــه
ونهة
علت فوك الاعالي ونتي ونهة
انه زينب يبو فاضل جيت ونهة
ابجتلكم خويه جا العهود ونهة
شو حرمه وغريبه بدار اميه

احن حن الحمام عليك لاحـــــن
صرت بس للمصايب ضيم لاحن
بسهام ال اميه شلون لاحــــن
صدرك يا كريم الطالبيه

جثيره احزاني يلوالي وهم هم
غريبه وظاك صدري الظيم هم هم
من كثر المصايب شيعتك هُم هم
بدموع وحزن عزو عليه

وداري
انـه الهدمــو حيلـــي وداري
وجيت انصب مأتمكـم وداري
يتـامه الطـف يتامكـم وداري
اودع نجوم كل نجمه بثريه

بحال صاحب العصر ولزمان عج

تخزن جرحي فوك جروح وعــــداي
صبراً يا روافـض حان وعــــــــداي
الفرج مني قرب وقترب وعــــــداي
لــــراويهم امـام الرافضـيــه

وحكَـ النطرته الشيعه ودينـه
عتابات الزمن تدمع ودينــه
تشوف اشلون حالتنه ودينـه
نموت وياك بسم الرافضيه

يلمهدي انشدما وضل رايح ..ورد
مشتاك وبمولدك جيت اب ..ورد
ذبلان ولشوفتك يمته ات ..ورد
اويرجع الماي اليشح بلغاضريه

وحكَـ النطرته الشيعه ودينـه
عتابات الزمن تدمع ودينــه
تشوف اشلون حالتنه ودينـه
نموت وياك بسم الرافضيه
من دم

يغايب لاتلـــوم العيــن مــــــن دم
جرت بفراك شخصك حيل من دم
اعاتب ولعتب بيه تـــــــــــــــه دم
من تضهر عشك تبني اليه

محلاها الصلاة بليل وتراك
او جثيره اجناب عادتنه ولتراك
ما عفنه العقيده بيوم يتراك
اظلم ولنهار ايشح علينه

متفرقات
تموت الناس عاده وحينه شيعه
لآن هذا اصلنه وجيت اشيعــــه
احنه بل اصل سنه وشيعـــــــه
لاكن بلعقيده احنه اوليه


شفت رجــــــــــــــــــــال مستخنث وراوي
لبسله بتــــــــــــــــــــــوت هالمره وراوي
لشك زيجي على الماتـــــــــــــــو وراوي
وشوف بيا زمن هاي السجيــــــــــــــــه

جثيره انذال على شيعه تعدت
نجم عالي وعلينه اشلون عدت
علل بروح ما تشفه تعدت
نياشين وئثرهم خلا بينه

اذا طبع الشرف مابي حملكم
روح انشد على اهلك من حملكم
اذا طاهر تعال احجي بحملكم
سولفلي على جدك يا اهو ابيه

سجل كَلبي دفاتر ما جلتـــــــه
لون جلاد يجلد ما جلتـــــــــــــه
ولك سنتين مبعد جالي جلتــه
او يرد اردود كَلبي اعله الاذيه

محلاهة الصلاة بليل وتراك
او جثيره اجناب عادتنه ولتراك
ما عفنه العقيده بيوم يتراك
اظلم ولنهار ايشح علينه

جرحك خمك بحشاي يلصرت تشعر
ولجرح كَبل الراس شيب ونشعر
اكتب دمع بلعين مابيه تشعر
بس لدغ بين الناس يبن الرديه


عن حال ام تقف مخاطبه لقبر ابنها في المقابر الجماعيه
يابني
الك عتبه بزمن طابوكَ يابني
رحت عني ودمع بلعين يابني
اطالب بربه ولا خثر لبنــــــي
تاليتك اترابات تثرمت بديه

وناشد
رخه وكَتي عليه وجيت اناشــــد
افر وسط المقابر حسره اناشد
على وليدي اريد اسأل واناشد
ومن يدليني عليه بهل مسيه
ويمنـــــــــه

صفكَت اخماس بليسره ويمــــنـــه
تمنيت من اموتن انت يمنـــــــــــــه
يلصرت ونتي وحسرتي ولا يمــنه
المصايب يبني موش انه خطيـــه

ثلوج اشتاي صبت مـره مــــره
واحس الريكَـ علكم ضاكََـ مـــره
صرت حال السجين ايريد مـــره
يعزي امه وبيه بموت اخيه

بقيت الوحدي كمت احجي ويه حالاي
دموع العين من نشفت ش حـــــالاي
ادور اسنين من عمري وحــــــــالاي
مثل غيمة سمه وتمطر عليه

الرد
انا الكَََبلك نطرته اسنين مايــــــــه
او نشف دمعي عليه اوصبغ مايه
حسبت اجروحه يا مدلول مايــه
وحس اجروحه هنه اعلاج اليه

عرفت اشكال منهم بعـــــــد ورده
عاكَول ابصحاري الشــــــوك ورده
اصير الماي للعطشــــــــــــان ورده
اشرب بيه وانه الهث خطيه

انشدك يا زماني اشبيك شــــــــديت
او خذت مني ألاحبه ابحيلي شديت
اكطعت روح الاحسها بروحي شديت
او طحت خرباد ياهو ايمر عليـه

رشف شفة اوعذب مايك يا بلماي (رطب شفاف)
صرت صياد ونت السمج بلمـــاي
يطرني الروج وانه الحيد بلمــاي
يا ماخذني لوين اتريد بيــــه

احبك يل على راسي شيالـــك
ولك كَلبي نبض بسمك شيالك
تريد اشيل من يمنه شيالـــــك
اشيل وياك ونسه امي خطيه

عمت عيني عليهم ونته راهــــــم
هلك وهلي ابعلل وبون تراهــــــم
يلصغت روحي اعله روحك ونتراهم
تكول الخالقك سبحانه اليــه

زمانه او كل زمان او لازمانـــــــــــي
خليلك وليصير ايصير خلك لازم اني
وعرد بيك اضلا لازم انـــــــــــــــــــي
مثل غركان ضايكهة المنيه

عطر منك يمرنه بسد وردنـــــه
زرعنه الخير بينه وما وردنــــه
خبر مكتوب منك لو وردنـــــــه

اجيك ازحوف وحجيلك عليـه








عدل سابقا من قبل ابومهندالسلامي النجفي في الأربعاء يناير 18, 2017 9:59 pm عدل 1 مرات
avatar
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

س رد: الابوذية

مُساهمة من طرف ابومهندالسلامي النجفي في الثلاثاء أبريل 07, 2015 5:03 am

كتاب الشـوق ياشــــيعي ... وردها

وعزمة اقطف حزن عمري... وردها

االأفــــــــــراح النبي أنثر ... وردها

وطش روحي وصيحن وا هليه
ــــــــــــــــــ





أعاهد الولي حيدر علينه

وإشماجارالدهروقصى علينه

سلامي ( شيعي) وأفتخرروحي العلينه

لأفديها وحق رب البريه
صلوات
ــــــــــــــــــــــــ

عاشق والعشــق جوهر سلامي
وفرحنه الليله بأفراح (من أجل ) السلامي
لأبوزهير (أنور) حازم قاسم من يوصل سلامي
وينثر ورد ويأدي التحية
صلوات
ـــــــــــــــــــــــــــــــ
عشقتك والعشق جوهر سلامي

شيعي أتفاخر بنسلي  سلامي

لابوالحسنين من يًوصِلْ سلامي
أفدي الروح أله بهاي المسيه
صلوات






وحگ النبي وقـــرآنه ودينه
أبمولد زينب الحــيدر ودينه
عهد للمـــوت نتماسك ودينه
تحمل منهجه الحاميه الحميه
ــــــــــــــــــ
ليلة فـــــرح للبضــعه أدينه
مـع آل النبي الهــادي أدينه
يناصـب كل ظلم أني أدينه
وأســـتنكرأفعالك كل مسيه
ــــــــــــــــــ





عدل سابقا من قبل ابومهندالسلامي النجفي في الأربعاء يناير 18, 2017 11:00 pm عدل 2 مرات
avatar
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

س رد: الابوذية

مُساهمة من طرف ابومهندالسلامي النجفي في الثلاثاء أبريل 07, 2015 5:07 am






عاشق والعشق 
 سلامي..

لأهل بيت النبي ونســـلي سلامي
لأخـــت عباس من يًوصِلْ سلامي

أفدي العين
من أرض النجف والمـنبع سلامي
 
زينب تاج لأهل الحگ والاشراف ..
أبمولد نورها خـادم والاشـــــراف..ولي الشرف
وحگ حيدروأرض النجف الاشرف
أفــــــدي الـــــروح لأولاد الزچيه







عدل سابقا من قبل ابومهندالسلامي النجفي في الأربعاء يناير 18, 2017 10:18 pm عدل 1 مرات
avatar
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

س رد: الابوذية

مُساهمة من طرف ابومهندالسلامي النجفي في الثلاثاء يونيو 02, 2015 7:41 pm

ميت هــلا أبجمعتكـم(بلمتكم) يالاشراف
وفرحنه ابنوركم نور يالاشراف

وحگ حيدروأرض النجف الاشرف

 افدي إروحتي  الخدام  الزچيه
صلوات
avatar
ابومهندالسلامي النجفي
انت رائع


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى