ما ننساك الگلب يفور

بسم الله الرحمن الرحيم
اللهم صل هلى محمد وال محمد

هلال عاشوراء

المستهل
هل إهلالك ياعـــــاشور ... ماننساك الگلـــــب يفور
همك يسري ... بدمي اليجري
آلام وحزان وجــــــــور ... وماننسه الظلع المكسور
ماننساك الگلب يفور

القصيده


ياشهر الزود آلامي وزينب بيك الشــــافت ضيم
چانت بالإخوه المنجمعه مسروره بالشوگ إتهيم
وتنظر للعباس وجاســـــــــــم والاكبر نوره يهيم

وأصحاب حسين وشيمتهم,,,ما ينظام اللي بصحبتهم
نار وتلهب ... وين اليگرب
يضحي بروحه ويزهر نور ... بروح الثائر مومجبور

ماننساك الگلب يفور

ياشيعه آنه السلبوا خدري وظيم وألم راوني
ياشيعه ودم دمعي اليجري إم الحزن سموني
ياشيعه من عگب إخوتي بإسياطهم ضربوني
للمشرعه آنه تعنيت ... يم أبوفاضــــــل ونيت
يابويه ماعنده إچفوف .. خيم على گلبي الخوف
والنار شبت بالخيم يبن الحور... وأطفال والنسوان بانار دور

ما ننساك الگلب يفور

ياشيعه هامت روحي عالحـــــــومه ولشبل حسين
ياشيعه شفت الماصــــــــــار لشبه الرسول موذرين
ياشيعه جاسم مطروح العــــــــــــــريس يانور العين
حنته من دم نحـــــــره ... متوســـــــــد على الغبره
قربان من أجل الدين ...شبل الحــــسن شبل حسين
شمس وگمر نور بنور ... گلبي نزف عالبدور

ما ننساك الگلب يفور

ياشيعه ياصبر الصبر أصبر وصبر روحي
ياشيعه ياجرح الگدر صبري بچه عالجروحي
ياشيعه من نار الألم هامــــــــــت لحيدر روحي
وينك يشيال الهمم ... ظلينه بيويه بس حرم
إنهض يحيدر هاليوم ... دارة على حسين الگوم
ظهره يحيدر مكسور ... عالأخو گلبه مفطور

ما ننساك الگلب يفور

ياشيعه ظل بل معين وحده وذرف دمع العين
ياشيعه دارت هالگوم و سهم گدر صاب حسين
ياشيعه راح المظلوم لا وين أروحـــــن لا وين
دارت عليه الاشرار ... وينك يحماي الجار
حزوا نحره ... شبل الزهره
سيد الجنان المنحور... تيشفگ عليه الحور
ما ننساك الگلب يفور

نساكم الدعاء