يا أسد خيبر يحمـــــاي الدخيل...

بسم الله الرحمن الرحيم

اللهم صل على محمد وال محمد

يا أسد خيبر يحمـــــاي الدخيل... وعلى أملاكه إبشخصك إتباهه الجليل

گوم وأنهض ياعلي ...مابگ عـــــــــدنه ولي

ما كسر گلبك دمع عيني اليسيل

جمر ياحيدر يجرح إعيوني... وليه يابويه العده إتولوني

وتجري دم من السياط إمتوني... گلهم إبياذنب مـــــن شتموني

لون يمي چان ما هظموني... بالسبي ضيم وقهر راوني

والكفيل عالنهر... گطع إچفوفه الدهر

مابگالي يابطل... بس العليل

ماكسر گلبك دمع عيني اليسيل

يا گلب بويه مثل گلبي إبتله... گوم من گبرك وإگصد كربله

وليله نامت ويه الاكبر والدمه... ورمله للقاسم تشمه بمحره

والرباب الثدي در إتناغلــــه ...والاطفال الهــــايمه بسوح الفله

والعليل المايگوم ...من الألم گلبه إمهظوم

إحتار من ...چلچل الليل

ماكسر گلبك دمع عيني اليسيل

گوم وإنشد يبوحسين إبياذنب ...حسين ظامي وماشرب ماي العذب

والعجب ماجزع صبرك ياگلب ...وإنت بيك جروح ماظن تنحسب

چم رمح صابك وچم موقف صعب... ياعلي اولادك الكل منه إسلب

گوم وإنهض يافحل ...ماشفتني عالهيزل

مشينه ...بالدرب الطويل

ماكسر گلبك دمع عيني اليسيل

شفت أخويه إحسين من صابه السهم... وشفت صدره شلون بالخيل إنهشم

وشفت نار الشبت إبوســــــــــط الخيم... وبالخيم أيتام وعيال وحــــــــــــرم

ياعلي واليل چلچل عــــــــــــالحرم ...ولا ولي الظل بعــــــــد لا ظلت خييم

الاطفال إتشردت... الخيم لمن هوة

تصيح... عباس الكفيل

ما كسر گلبك دمع عيني اليسيل

شردت بهالليل مذعوره الاطفال... وخايفه من الگوم مرعوبه العيال

هذايوم الموزمه ويوم النوال... نريد ماي وابو فاضل بالنزال

عالنهر عباس ياحلوا الخصال... والشريعه بموجه أعظم ميثال

مايشوفون العلم... بس غدر هاي الزلم

إنهدم حيلي ...على ذاك العويل


ما كسر گلبك دمع عيني اليسيل



ونسئلكم الدعاء