أبيات من الدرامي منوعة:فمن هذه الاوزان الشعبية الم

نضع هذه الدروس للتذكره
*
انواع الشعر الشعبي
الابوذية
الادارمي
الكل للاستفاده
احبائي
*

اللهّم صل ِ على محمد وآل محمد الطيبين الطاهرين

السلام عليكم ورحمة الله وبركاته

اقول وبالله التوفيق :
لكل شئ سمه او صفه ينفرد بها على بقية الاشياء ومن ضمن هذه الاشياء لغة الضاد (( اللغة العربية الفصحى )) فحرف الضاد هو الحرف الوحيد الذي انفرد بسمه وصفه للغتنا العربية عن بقية اللغات الاخرى سواء القديمة كاليونانية والرومانية او الحديثة كالانجليزية والالمانية وغيرها..فمن لم يستطع لسانه ان ينطق حرف الضاد بصورة سليمة وبسهولة...فليراجع لسان قومه وبيئته التي نشأ فيها وترعرع...
ولو كان حرف الضاد سهل النطق عند غير الناطقين باللغة العربية لما كانت هناك سمه لهذه اللغة تميزها عن بقية لغات العالم
ولكن هنا محل الضغن والحسد..فعقدت مؤتمرات ودسائس وحيكت خيوط عنكبوتية ورصد لها اموال طائلة ووفرت لها لوجستيات متنوعة على مساحة زمنية تمتد لقرون من الزمن لنسف وتدمير وسام اللغة العربية الا وهو حرف الضاد.. وقد باءت كلها بالفشل الذريع لوجود دعاّمة هذه اللغة وحصنها الحصين الا وهو القرآن الكريم..ولا ننكر انه قد حدثت بعض التغيرات والتطورات بسبب ادخال مفردات جديدة الى هذه اللغة واندثار مفردات اخرى تقابلها بنفس الكفة
لهذا طرئت على اللغة العربية الفصحى عدة تغيرات واُدخِلت ( بضم الالف وكسر الخاء ) عليها كلمات من نسج العامه بعضها ليس له اصل في اللغة العربية..كما واشيعت هذه الكلمات والمفردات حسب الرقع الجغرافية من الناطقين بلغة الضاد (( وللاسف الشديد هناك الكثير من رموز الثقافة العربية كوسائل الاعلام المرئية والسمعية والصحف والمجلات اخذت تعتمد على مفردات اللهجة العامية كمذيعي الاخبار وغيرهم )) ولولا وجود القرآن الكريم لاصبحت لغة الضاد في خبر كان..
فهم كثر من يريد بلغتنا السوء ولا نكاد ندرك ذلك ..وليس مجال بحثنا هذا هو ماهي اسباب حدوث ذلك التغير..ولكن اختم هذه الفقرة من لم يستطع نطق حرف الضاد بسهولة فليس بعربي..فهذا هو الذي افرقها عن غيرها من اللغات الاخرى....واصبحت كما امست تسمى بلغة الضاد
قال بن خلدون (( لما اشاع التوشيح في اهل الاندلس واخذ الجمهور بسلاسته وتنميق كلامه وتصريع اجزائه نسجت العامه من اهل الامصار على منواله ونظموا في طريقته بلغتهم الحضريه من غير ان يلتزموا فيه اعرابا))1, وقال المحبي في خلاصة الاثر ( الزجل في اللغة الصوت وسمي زجلا لانه يلتذ به ويفهم مقاطيع اوزانه ولزوم قوافيه حتى يغنى ويصوّت ولما كان هذا الفن من وضع العامه اتبعوا فيه النغم دون مراعاة الوزن), لهذا استخدم شعر الزجل والموشح في المراثي الحسينية لتقريب فهم السامع ونقل الصوره المعبره عن واقعة الطف
فتفرعت من لغة الام عدة لهجات موزعة على رقع جغرافية من مساحة الوطن العربي
وهذه اللهجات هي اليوم الاقرب الى وسيلة التفاهم وايصال ما يرده الانسان الى صاحبه بسهولة ودون عناء
وكما تأثرت اللغة العربية بهذه اللهجات فحال الشعر العربي هو ايضا الاخر تأثر بهذه المفردات وسيق على نفس بحور الشعر العربي واضيف اليها اوزان وابحر وتفاعيل خرجت عن قيود الشعر العربي الفصيح والذي وضع اسسه و قوانينه الخليل بن احمد الفراهيدي..وارسى قواعدة ومن بعدة الاخفش ( واضع تفعيلة بحر المتدارك ) فاصبح لدينا ست عشر بحرا من الشعر العربي لاغير...

فمن المفروض ان يكون بحور الشعر الشعبي هي متناسقة مع بجور الشعر العربي الستة عشر ولكن بلهجتها العامية فهي متولدة من موسيقى الشعر العربي الفصيح والا فمن اين اتت هذه الموسيقىولكن بمفردات شعبية..
نستتج من هذا ان اصل بحور الشعر الشعبي هي بحور الشعر الفصيح الستة عشر..
والمطلّع على الشعر الشعبي في جميع رقع الوطن العربي يجد اكثر من خمسين نوع من الشعر الشعبي..لاادري من اين اتت الزيادة في هذه البحور؟
ففي جنوب العراق تجد هناك ثلاثين نوع تقريبا من الشعر الشعبي.. وحين تمعن النظر فيها تجد بعضها قد نسج من عدة ابحر وخرج بتفعيلة جديدة لم يلتفت اليها الفراهيدي بعبقريته...
فمن هذه الاوزان الشعبية المتداولة في العراق
((الموال او الزهيري ,,,, الابو اذية,,,, التجليبة ,,, الدارمي ,,, الجلمة ونص ,,,المجرشة ,,,, العقيلي ,,, النصاري ,,, الهجيري ,,, المربع ,,الميمر ,, الملمع ,, الفائزي ,,, السريع ,, القصير ,,,الطويل ,,,الحدي,, ,,الحر ,,الخ ))

وما يهمنا هنا... هو ارساء تفعيلة بعض الاوزان الشعرية الشعبية المتعارف عليها والمتداولة حالياً والى اي البحور العربية تنتمي؟؟
أطوار الأبوذيات :

1/طور الحياوي نسبة الى مدينة الحي

2/طور الشطراوي نسبة الى مدينة الشطرة

3/طور المجراوي نسبة الى منطقة المجرة

4/طور الصنداقي نسبة الى منطقة المصندق

5/طور البحراني نسبة الى منطفة البحرين

6/طور القزويني نسبة الى السادة آل قزوين

7/طور الطريحي نسبة الى آل الطريحي النجفية

8/طورالغافلي نسبة الى أسرة آل غافل

9/طور السويطي نسبة الى عشيرة السويطات

10/طور الحليوي نسبة الى عشيرة أبوحليو الغجرية

11/طور الأميري نسبة الى ما مدح به أمير ربيعة

12/طور العراكي نسبة الى عشيرة العراكات

13/طور الجادري نسبة الى الملا جادر

14/طور الزايري نسبة الى الحاج زاير

15/طور الطويرجاوي نسبة الى عبدالأمير الطويرجاوي

16/طور المشمومي نسبة الى الأخوين سعود و محمد المشموم

17/طور العياش نسبة الى محمد العياش

18/طور الحميدي نسبة الى الشيخ حميد المحتصر

19/طور المحبوب نسبة الى محبوب العب

20/طور الجبهاني نسبة الى جبهان الركابي

21/طور العنيسي نسبة الى ملا عنيسي البصراوي

22/طور النوري نسبة الى سيد محمد النوري

23/طور الصبي نسبة الى طائفة الصبي

24/طور اللامي نسبة الى نغم اللامي

25/طور المنصوري نسبة الى مقام منصورى على نغم الصبا

26/طور الدشت نسبة الى مقام الدشت على نغم الحسيني

27/طور الحويزي نسبةالى مقام الحويزاوي

28/طور الملاحي و السفاني نسبةالى مهنة الملاحة و السفانة

29/طور الملائي نسبة الى الملالي و المقرئين

30/طور النواعي أو النعي نسبة الى الندابة

أمثلة للأبوذية . . .

طور حياوي
سهرت الليل بودادك و حييت
و قلت مرحبه بطارشكم و حييت
يامطرب طفت بالكعبة و حييت
إذا جايب حبيبي وياك إليه

طور الشطراوي
من منكم علي نشد من سال
جفيتوا و بجفاكم صوت من سال
شعندي غير دمع العين من سال
إخفف بيه مصار الصار بيه

طور الشطيت
يلوم المادرى بروحي شمرها
مايدري الدهر عن ودهم شمرها
ليالي فراقهم والله شمرها
أمر من المنازع بالمنية

طور اللامي
علامه الدهر شتتنا و طرنا
عقب ذاك الطرب بالهم وطرنا
الف ياحيف مقضينه وطرنا
وليالي الي مضت متعود ليه

طور الجادري
تأمل كون ملحوظة و حفظه
بيابي العين أظمنه و حفظه
يهل ماشي بمان الله وحفظه
يحرسك و بسلامة تعود ليه

طور المثكل
علي جيش الهوى صور حربلاك
وجفني ماغمض ساعة حربلاك
انت عين الشمس وأنا حربلاك
صرت وأهل الهوى قايست بية

طور الملائي البغدادي
نجم حسن الترف عقلي أخله
ظهر لهل المحاسن ضي أخله
بجمالة لاتظن يوجد أخله
ولاولدت شبية أم البرية

طور السويطي
نحت بفنون الخمسة ولكفان
رسمت أمثال من زهيك ولكفان
أضل بهواك للوزره ولكفان
إعذرني لو صرت حدر الوطية

طور المجراوي
دنيف متيمك مايوم بسم
مغذيني ياساهي العين بسم
من وجدك غديت أنلظم بسم
بدسم الخياط إيضيج بيه

طور الصنداقي من الأطوار القديمة
يناهي لاتشد بالراس وبره
تظن منك دليلي يسل وبره
أنا جم دوب أكد للظعن وبره
الظعن و أهل الظعن شحوا عليه

طور السرحاني
وحق الي تعبده الناس منشاف
الدمع من يومكم لليوم منشاف
الف ياحيف شفي إنقطع منشاف
بعد هيهات جمعتنا سوية

طور الصبي
سروا و أنووا ظعنهم وين يردون
ظمايه ومن دموع العين يردون
لون أهلك حبيبي عبد يردون
رضيت إن جان يرضون بية

طور الطويرجاوي
بجيت وزادن جروحي ولاماي
علي الماطال الي وياهم ولاماي
لاهو دم دمع عيني ولاماي
لكن روحي تذوب وتسح هية

طور الدشت
طيب وماي دهن الورد منهل
عرقه و خجل من البدر منهل
أحبك يانديمي أنا منهل
الله ولاتظن ظنة ردية

طور المشموم
لوعني زماني انحلت كليت
وعلى روحي غضى ضويت و كليت
بجيت و دم دموع العين كليت
على خلي السكن بالناصرية

طور المحبوب
وحق عقد الولاية ون باه
جمع أعضاي صارت ون باه
ياحادي ضعون ولفي ون باه
نريد وياه نترافق سوية

بـداء شـيبي يايـمه وكـبـر سني (1)
ومن افـراقـه ابد ماضحك سني (2)
عـجـب شــيعي بهجره قتل سني (3)
يابو الحسنين شوف اشعمل بيه

مومن

انـا بللـي كــتــب مـولاي مـومـن (4)
لهـا فـد وه تـروح الـروح مومن (5)
بـقـلـبـي اطنان من فرقاك مومن (6)
اريـد ك يا حـبـيـبـي اتـحـن عـلـيـه

ــــــــــــــــــــــــــــــــــــــــــــــــــ ـــــــــــــــــــ
(1) سني : العمر
(2) سني : السن او الضرس
(3) سني : سنة الرسول ( ص )
(4) مومن : اعتقد باللـه
(5) مومن : بلا منه
(6) مومن : احد انواع الوزن ( المن )
ــــــــــــــــــــــــــــــــــــــــــــــــــ ـــــــــــــــــــ
لبنه

يا قـلـب الصـابـتـه بالعـيـن لـبـنـه (1)
ويا تـفـاح الصـدر وخـدود لـبـنـــه (2)
احـبـانـهـا محـبــت عــود لـبـنـــــه (3)
انشلع قـلـبـي وهـي ما تـدري بيه

الوراهم

ينام اللـيـل ماضـنـي الـوراهــــــم (4)
ونـيـنـه ســمعـه جـاره والوراهـم (5)
يهـيـم المـبـتـلـي بـه والـوراهــــم (6)
عـيـونـه طــول لـيـلـــه ســـــامريه

ــــــــــــــــــــــــــــــــــــــــــــــــــ ـــــــــــــــــ
(1) لبنه : اسم بنت
(2) لبنه : لبنه من اللبن
(3) لبنه : لبنه او ولده
(4) الوراهم : الذي عنده هموم
(5) الوراهم : الذي خلف جاره
(6) الوراهم : ايضا يهيم المبتلي
ــــــــــــــــــــــــــــــــــــــــــــــــــ ــــــــــــ
ياجمعه

ســـلامي وصلـه باللـه ياجـمعـه( 1)
وتقله شوفـتـك جـمعـه وجـمعـه( 2)
انا ملـيـت من دمعـــي وجـمـعـه( 3)
يا روح الــروح لا تـبـطـي عـلـيـه

يامعروف

ســلامي وصلـه باللـه يامعـروف( 4)
ينوبك من إله الكـون معـروف( 5 )
حبيبي عن جميع السمر معروف( 6 )
وصالـه لـو قــطـع يـرجـع إلــيــه

ــــــــــــــــــــــــــــــــــــــــــــــــــ ــــــــــ
(1) جمعه : اسم شخص
(2) جمعه : يوم الجمعه
(3) جمعه : اجمعه
(4) معروف : اسم شخص
(5) معروف : احسان
(6) معروف : الجميع يعرفه
ــــــــــــــــــــــــــــــــــــــــــــــــــ ــــــــــ
يانعمه

ســلامي وصـلـه باللـه يا نـعـمه(1)
وقـله شـوفـتـك بالعـمـر نـعـمــه( 2)
انا لامن ســمعت حســـين نعمه( 3)
تـهــل دمــوع عــيـنـي مـو بـديــه

يابوسعود

سـلامي وصـلـه باللـه يابسعود(4)
وتخبره بعدهم ماعشت بسعود(5 )
انا مقـدر عـلى فـرقـاك بسـعود( 6 )
تـرد لـيـه وتـرد روحــي عـلـيــه

ــــــــــــــــــــــــــــــــــــــــــــــــــ ـــــــــــ
(1) نعمه : اسم شخص
(2) نعمه : من نعم اللـه
(3) نعمه : المطرب العراقي المعروف حسين نعمه
(4) بسعود : ابو سعود كنايه لاسم عبدالعزيز
(5) بسعود : بسعاده
(6) بسعود : نريدك ان تعود

تشوف همومي بعيونك و ترها
وتغيب و تقطع بروحي وترها
يرهيك الوقت يسمر وترها
وتصير إنت أبو الراهي عليه

عقلي ياترف حبك وحن بك
من الجوري يامحبوبي وجن بك
إجيت إنت على وعدك وجن بك
ليالي الفرح وأيامي زهية

روحي برشف خدك من عداها
أحب وصلك وهابك من عداها
فراقك يوم أحمله من عداها
أزورك لو تصير أحزاب اليه

وحك الالف واللامين والها,,,,,
روحي بهوى ساهي العين ولها
لها ثغر وجبين وعين والها,,,,,
خد شبه البدر لو سطع ضيــــــــه

اسب اللامني بودك وناحاي
حزني عليك مايبطل وناحي
تبات الناس مستوره ونا حاي
ليلي والنجم يشهد عليـــــــــه

عليمن منشده فكري وبالي
على الي سبب لروحي وبالي
صرت مثل الخشب يابس وبالي
حتى النار...ماتنشد عليه

قلبي ما فرح عقبك ولا سار
وجدمي ما خطا لغيرك ولا سار
اخبرك ما بقت كلمة ولا سار
فضحني الدمع من غصبا علية

ناحل وامشي مكابر تراني
اجلد اخاف عدواني تراني
تارة الموت يدهاني تراني
اصحه من يمر شامت علية

الف وسفة الوقت عنك بعدني
اموت وارتجي وصلك بعدني
وتراني عالعهد باقي بعدني
تراك انته النظر والحيل بيّه

أحبابي اشلـون حــالتــكم بعدنا
اشبدينا والوقـــت عنـــكم بعدنا
إذا انتم نسيتونا ترى احنا بعدنا
أبذكركم كل صباح وابكل مسيه

يـــلايم لا تــــلوم ال?ــــلب دمعــين
جــــرح البــــيه مــــا يندمل دمعين
فــــايض بـــالجفن هـــاليوم دمعين
عـــلى مــصاب النبي وظلع الز?يه

مـــــثل الـــــدوح للـــــونه نبـــــيها
تــــــناوبنه ابحـــــزن واحـنه نبيها
اشـــــلون امــــه الـذي خانت نبيها
ونقـــــضت بـــــيعته وأمر الوصيه

يتاج ابـراس أهل الح? والاشراف
ونور الـــــباري بالهيبه والاشراف
الكعبه الهـا شرف عالي والاشراف
الــــك بــيت الـــولاده أصبحت هيه

الصــــــبر ثـــــوب وتفصّلي وحاله
على اللي ابمصرعه الباري وحاله
حــــالي اميـــــسره أمـــشي وحاله
ثـــــلث تــــيام مـرمي اعله الوطيه

بسّك يـــــا دهــــــر بـــــــالحزن وآنــه
دليـــــــلي ذاب لمّـــــــن كـــــثر وآنـــه
أخـــــويه اعـــلى الثره مطروح وآنـــه
بــا?ـــــــــر بــــــالحرم أمشــــي سبيه

جـــرعت من النوايب راح من راح
وانطــــحنت ظلوعي براح من راح
انشدك عــلى كفيلي الراح من راح
دمي ودمعــــي يــــتــفايض ســويه

ال?در كل ساعه الي صوره يجاسم
وسيف مـــصابك ل?ــــــلبي يجاسم
اخــــــذ ويــــــــاك دلالي يـــــجاسم
عنــــــــك يشــــ?ف ســـهام المنيه

صب دمعي على الوجنات ياهل
أوماتدرون بيا اشصـــــار ياهل
صرت عصفور جني بيـد ياهل
أهـو يــلعب وانــا اشــــنون بيه

لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه

شهر سيف الهجر ضدي وسله
نساني اوراح وي غيري وسله
عنب ماحصلت مـــــــنه وسله
طلع ذيب أوكتلني اربـات إديه

تبنا من العشـــــــق واردود عدنه
وحسبنا اسنين مره وتــــــاه عدنه
أهوايه بالسلف حلـــــــوات عدنه
لون روحك صدق خضره وطريه

المصايب بس على روحي تلافت
يقلبي اعله النكر طيــبك تلافت
اون وعطامي بهــجرك تلافت
طريح وســاد دوب النفس بيه

أبات الليل بالحـــسرات منطر
تضل عيني على البيـبان منطر
شفت خذها عبالي الفجر منطر
قمت صليت من غــصبن عليه

تغـــيب الروح بغيابك و اردها
و كتاب الشوق يا مدلل وردها
وروحي بفرقـــتك يذبل وردها
ماي انت وترد الـــــروح إليه

احبك ما أحب عل الأرض سواك
سبحان الذي من طــــــــين سواك
بشر لكنه ويال القــــــــمر سواك
واحد فوق واحد بــــــــــين ايديه

الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمل طيب ونضيف
بكثر معنى الحـروف الابجديه

ابتلت روحي و لا يخلص بلاها
و بمحــــبتك ينتــهي قلبي بلاها
بعـــذابك يا حـــلو ربـــك بلاها
و تضل تنوح كل صبح و مسيه

ماسمعيت بالعالم تمر مر
بس ويـااك دلالي تمرمر
تبـات هناك بس يمي تمر مر
وألكَاك بهلاا ومليون مرحب

حمامة الفرت من ايدي ولاجت
وعليها الروح تتعـذب ولاجت
من امس لليوم لاحطت ولاجت
ولا الها جدم بــرض الوطيه

بتاج الفرح ولــفي توجاني
وحسن ردلي شبابي توجاني
من اثمار المحــبة توجاني
كلبي الشبع ضيم مـن الاذية

يكاس العمر ماظــلت وشل بيك
ويجرحي لشوكت تنزف وشل بيك
تكلي ليش متمرمـــر وشل بيك
تهت منهو اليـــــدليني عليه

همي من كـــثر يذبل وراها
ونار الكلب مــا يخمد وراها
كل شده يـــهل وادم وراها
فرج ، والفرج من رب البريه

اريد اعبر بحــر دمعي وفيه
وعليج اكطع الــف فيه وفيه
ابشمس حبج انه معذب وفيه
وما عندج وفه واسـمج وفيه

عفاني جيف الي مهجه ولي روح
اداري بالعلل كلها ولي روح
ماني بحال من يبكه ولي روح
ابحالك يلكطعت الوصل بيه

وصفنا وما وصل حسنك وصفنه
لان ينرادلك كعده وصفنه
لو أنت بمدرستنه وصفنه
لو تاخذ صفر أنطيك ميه

تلف بيه الليالي السود ودور
لاجلكم رخصيت الذهب والدر
أحبك من زمان الدار والدور
من أكبرت هسه تخون بيه

لو ضحكه تجي من الوكت لوحه
القمر يصعب على البكاع لوحه
لو تدري عليك أصبحت لوحه
تدك بسمار جاي النوب بيه
ماهو الدارمي
الدارمي هو أحد انماط الشعر الشعبي المتداولة في مناطق الفرات الاوسط وجنوب العراق.وكل بيت من الدارمي هو بمثابة قصيدة كاملة لما يحملةمن بلاغةفي المعنى وجمال في الصورة.
والدارمي حينما يقال لا يحتاج الي بيت اخر ليكمل معناه كما يحدث في انماط الشعر الشعبي الاخرى.
ومعظم الاغاني العراقية القديمة كانت تتكون من مجموعة من الدارميات. تغنى حسب لحن وايقاع معينين وقد اطلق عليها (البستة)وهذة الدارميات هي التي يغنيها المطرب بعد موال وغالب ما تكون ذات ايقاع سريع وراقص
وفي بعض المناطق اطلق عليها تسمية( غزل البنات) ويتالف كل دارمي من شطرين(صدر و عجز) كما هو شأن كل بيت شعري.
أصل الدارمي
وأقرب الروايات الي تصديق يرجع أصل الدارمي الى فتاة من قبيلة (بني دارم)في ريف محافظة ميسان في جنوب العراق يحثقالت اول بيت من الشعر الشعبي تام المعنى ومستوفي لكل الشروط الفنية دون الحاجة لان يلحقة بيت اخر ليكمله .انها قالت بيت واحد فقط وظل هذا البيت يردده الناس مع الغرابة التي رافقته بسبب تفرده وكل غريب مثير بالاضافة لسهولة حفظه كان انتشار سريعا وواسعا وهذا ماحفز اخرين على قول دارميات اخرى حذت حذوه

أبيات من الدرامي في أثر الموت
ــــــــــــــــــ

ميت والمعزيات ما بيهن أمه
وحدة اتشتم بيه أوحدةأتغمة
*
ميت والمعزيات موش امهاتة
مايبچن إعله المات يبچن شماتة
*
ياعازه الخوان عازتها عازة
والماوراها صياح وحشة الجنازة
*
الميت إشمدريه باليمشي دفان
لو يدري يمشي هواه چا شگ الچفان
*

ميت والمعزيات يبچن عيارة

طفن على التابوت راس الجيگارة
*
رحت أنه للدكتور شاورني بسكوت
لو ولفك يداويك لو باچر تموت
*
الميت إشمدريه باليمشي جناز
لاچن طبع بالروح تمشي ويه العزاز
*
أگدر أسكت الناس وامك واخواتك
گلي شيسچت إهواك لودره إبموتك

أبيات من الدرامي في الدلال والجرح
ـــــــــــــــــــ

هاك أبرة هاك الخيط خوية اريد اكلفك
إمگطع الدلال شلـــــــــــة على عرفك
*
هاك أبره هاك الخيط گوم امشي عني
لو بيه اشيل جروح چـــا أشل هذني
*
حسره إلك بالدلال ظلت لما اموت
مادرت حقها الناس صوابي بسكوت
*
حسره وحدرها أحاه وبگلبي لوعة
كلما أضوك الزاد أركض وازوعة
*
جرح الفراك يهون عن جرح الوداع
البيه دليلي انصاب يتفصل إرباع
*
زين وتشوفة العين دلالك ارباع
دلالي من فرگاه إشظف غدا وضاع
*
متعجب أشظف صار دلالك إنتة
دلالي صار تراب والموتة سكته
*
متعجب بدنياك دلالك تراب
دلالي بالتيزاب ياأشگر وذاب
*
رش الدرب تيزاب حافي اتعنيلك
چاشلي بالرجلين الما تجيلك
*
رش الدرب تيزاب وازرعة ألغام
يصير اللحم طشار واوصلك عظام
*
حط باللبن تيزاب ممنون اشربة
بس لا أشوفك يوم تمشي ويه الغربه
*
يسألني يالبطران ليش وجهك أصفر
مايدري على المحبوب گلبي تفطر
*
يسألني يالبطران ليش راسك أگرع
مايدري على الحلوين شعري تشلع
*
من كثر حر الضلع احترگن هدومي
وتسعين ناگة وجمل ماشالن همومي
*
شحچي شگول للناس من همي شحچي
مليان بالحســـــــــرات بس آحچي أبچي

أبيات من الدرامي منوعة

هم حلو هم زغير هم أزرك عيون
بس بيه طبع يا ناس من يوعد يخون
*
سليمة بت سلمان سايل كحله
دينار الك بخشيش بس تغمزله
*

سود العيون إكبار والحلك محبس
ويستره رب الكون لو دلع يلبس
*

بسك تون بهواي حالك تغير
عدي خوات هواي طب وتخيرير
*

متعجبة النسوان تطلك فرد يوم
طلوگي بالساعات كل ساعة أذب توم
*
متعجبة النسوان تجيبهة سستر
وأنة 12 دكتور والفراشة تفتر
*
أطلك وأعت بالگاع مثل المعسرة
حسبالي عشرة فروخ تاليها حسره
*
ظل إبچي طول الليل أبداَ مهزك
كون إنتة ابن هواي چان شمعزتك
*
من جبت طاري هواي تيهت شوري
خدرت بالفانوس حسبالي قوري
*
إنهجم بيت العين شگد وچيحة
كل ما يمر الحلو تگلي صيحه
*
كدرت حلك هواي المحبس أكبر
خافن يغص بالماي يالكاظم أستر
*
أخ ياولفي من إلي حچيته
حته السمچ بالماي كرز بتيته
*
صب دمعي عالگاع وحرگ دغلها
والبصره والعشارهــــــي ونخلها
*
مانمت نص الليل حلف المخده
والدمع صاير سيل للركبة حدة
*
جبراني مو جيران جيراني جيران
عدهم بنات أثنين وأحلاهن إيمان
*

كل السنون عظام بس سته ليلو
جاكٌم وسيع العين عن دربه ميلو
*
كل السنون عظام بس سنه فضه
زبد ويذوب هواي ومنيين أكضه
*
بسيان أذبها الروح وأسحق عليها
ماحوت الطيبين چا شلي بيها
*

حلوه وحلكهه زغير ما تكدر تبوس
بين الرمش والعين خلتني محبوس
*
مو من طبعه الروح تشكي من الهموم
لكن سهم دنياي هالمـــــــرة مسموم
*
من سهم كمت تلوج لن هو مسموم
مطرت عليه سهام من زغري لليوم
*

الدهـرصايرچاي والدنيا قــــــــــــوري
ليش الي يحب هـواي ينضرب بوري
*
مع تحياتي