الهوسات ..

الهوسات ..
:::::::::
(1)
ابو الغيرة شبل حيدر ماهاب الجمع ماهاب
اذا ماتدري خل تدري للماي إل مشكر جاب
والمشرعه بيده إتموج ماتندل بعـــد مهراب
عــــباس إبزوده إتلاگاها
أمله الجود إوغز إلواها

(2)
ياشعر يوصف حبيبي ياقلم يكتب سطور
هذا نور العين گام والشمس منه حسور
گمر هاشم عالرگاب لوح إوصار النفور
طب إلها إوهدم عاليها
مـــاج أولها ورد تاليها
العباس إلي غار إعليه
(3)
يالي إتريد تعرف غـــــــــــيرة العباس
إبطن إم البنين وهـــو حــــــار الراس
تشب نيران بيه راعي الوفه وإل باس
حي عباس إو حي أفعاله
( الرده )
الموت يخاف مــن إخياله
تشهد صــــــولاته الخياله
بس الغِبُرَه تشــوف إگباله
منهو إل يوصل من يدناله
جاب المــاي وروه إعياله
چلمت حـــــــيدر هيه إباله
هـــز الكون إوچفه الشاله
يوم المـــــــوعود إتحاماله
شمــــرها إچفوفه إولا ناله
الكـــــــــون إندار إو تچاله
ياغـــــــــدر الدينا إل چتاله
إوحسين إشلـــــون إتعناله
إودموعه عالخـــــــد هماله
إوحسين إشلونه إبياحــاله

(4)
زينب الحره بألمها إوظيمـــــــه ذاك الثجيل
طلعت من الخيمه وگفت شافت الــدنيا تميل
نور عباس اليهزهـــــــا زلزل الكون الكفيل
زينب يافرحه البچتها
يافرحه إلزينب دخلتها

(5)
يچفين الوفه والـــــــوفه منهن فاح
ألامن من معين إبصوته لمن صاح
من سمعن ابو السجاد يمــــهن ناح
للسيف أرتدن شالنه
گامن لحسين يحامنه